Presidenti i Maqedonisë së Veriut, Stevo Pendarovski ka thënë se ai është thelbësisht kundër ndryshimeve të kufijve në Ballkan, por gjithashtu ka deklaruar se çdo zgjidhje e arritur nga Kosova dhe Serbia me një garanci ndërkombëtare është e vlefshme vetëm në atë rast.
Në një intervistë për Al Jazeera Balkans, ai tha se “çdo zgjidhje e arritur nga Beogradi dhe Prishtina është e pranueshme, se duhet të jetë e pranueshme për të gjithë botën dhe për fqinjët e saj, siç është Maqedonia Veriore, me kusht që të ketë disa garanci nga bashkësia ndërkombëtare, t`i përmbahet asaj dhe se nuk do të ketë asnjë efekt domino, transmeton Klan Kosova.
“Pra, ajo që Beogradi dhe Prishtina do të zgjidhin me një mbështetje të fortë, të faktorit ndërkombëtar, më i madhi në botë, duhet të jetë i vlefshëm vetëm midis Beogradit dhe Prishtinës, dhe të mos jetë një parim për vendet e tjera të këtij rajoni,” tha Pendarovski.
Sipas kabinetit të Presidentit të Maqedonisë Veriore, ai ka ripërsëritur se beson në parim se ndryshimi i kufijve në Ballkan mund të sjellë vetëm probleme, duke pasur parasysh historinë e vështirë, të gjatë dhe të dhimbshme të rajonit.
“Në parim, çdo kufi në botë që përpiqet të lëvizet, qoftë edhe në Amerikë dhe Kanada, do të shkaktojë turbullira politike. Në parim, unë jam kundër idesë për të lëvizur kufijtë përgjatë shpërndarjes etnike të popullatës, në Ballkan është një fushë e veçantë “, tha Presidenti i Maqedonisë Veriore, Stevo Pendarovski.
