Pak ditë pasi e solli në iOS, Twitter vendosi që butonin i cili ndryshon rendin e postimeve (Twitter Feed) nga algoritmik në kronologjik dhe anasjelltas ta ofrojë edhe në Android.
Përmes një postimi në Twitter, kompania tha se nga dita e sotme përdoruesit e aplikacionit në Android do të kenë opsionin e ri. Opsioni ende nuk është i disponueshëm në ueb.
Android, we got you. Starting today, tap ✨ to switch between latest and top Tweets. pic.twitter.com/7rXo3BNEJ6
— Twitter (@Twitter) January 15, 2019
Megjithatë shumica e përdoruesve mobil tashmë mund të kontrollojë mënyrën se si shohin Twitter Feed të tyre.
Ndryshe nga kompanitë e tjera si Facebook, me Twitter nuk do të jeni të detyruar të ndiqni me përpikmëri vendimet e kompanisë për mënyrën sesi u shfaqen përmbajtjet e miqve dhe faqeve. /PCWorld Albanian
