Jose Mourinho i ka thënë lamtumira stafit të hotelit Lowry, pasi u shkarkua nga pozita e trajnerit të Manchester Unitedit ditën e martë.
Strategu portugez ua ka zgjatur dorën punonjësve të hotelit dhe fotografëve, para se të largohej nga vendbanimi ku kishte qëndruar për 895 ditë.
I pyetur se si ishte, 55-vjeçari është përgjigjur shkurt: “Mirë, miku im”, ndërsa në një video të shpërndarë në rrjetet sociale, ai dëgjohet duke u përshëndetur edhe me fotoreporterët.
Jose mourinho leaving the lowry hotel after being sacked
“All the best”#Mourinho #MUFC pic.twitter.com/dZ2uZf97Do
— Johnson dickson (@askjohnnydick) December 18, 2018
Fundi i Mourinhos në Old Trafford erdhi mëngjesin e të martës, ndërsa Djajtë e Kuq i ka drejtuar për dy sezone e gjysmë.
Gjatë kësaj periudhe, klubi ka paguar 537.000 funte (597.090 euro) për qëndrimin e trajnerit në hotelin Lowry, ndërkohë që familja e tij ka mbetur me bazë në Londër.
Vajza e tij, Matilde, në verën që lamë pas diplomoi në Universitetin e Arteve të Londrës, ndërsa djali Jose Jr. ka luajtur për Fulhamin deri në prillin e vitit të kaluar.
Ai dështoi ta merrte kontrollin pas një sezoni kaotik me shumë mosmarrëveshje me disa prej lojtarëve të tij, si edhe me dështime të mëdha në rezultate që e kanë lënë Unitedin larg objektivave.
Look what Jose Mourinho did just after leaving Lowry Hotel https://t.co/zvbGOSaJFG pic.twitter.com/n9AgYnnVBK
— The Sun Football ⚽ (@TheSunFootball) October 6, 2018
Aktualisht, Djajtë e Kuq mbajnë vendin e gjashtë në tabelë me 19 pikë prapa liderit Liverpool që e mposhti (tashmë ish-) skuadrën e Mourinhos të dielën më rezultat 3-1. /Telegrafi/
Mourinho’s been spotted leaving The Lowry #ManUtd https://t.co/pzna6mVqua
— Man United News (@ManUtdMEN) December 18, 2018
