Emisionet e famshme të njohura si “Reality Show” tanimë janë bërë të njohura në të gjithë botën.

Dhe kur flasim për shfaqje të tilla na vjen në mendje pamundësia e pjesëmarrësve për të komunikuar me botën e jashtme, kryesisht brenda një hapësire, të izoluar dhe të vëzhguar nga kamerat.

Por një e fundit e transmetuar nga një medium amerikan “Extreme Cheapskates”, përcjell Telegrafi, është ndoshta më e habitshme e këtij lloji në botë dhe zbulon se sa njerëz janë të gatshëm për gjëra të çuditshme, vetëm për të kursyer para.

Kjo shfaqje tregon njerëzit të cilët janë të gatshëm të shesin edhe pjesë të trupit të tyre për të kursyer disa para, kështu që një pjesëmarrës, kur dëgjoi sa para mund të merrte, vendosi të shiste testikujt e tij.

Pjesëmarrësit janë të obsesionuar aq me kursimet sa që ka nga ata që në vend se në restorant ata shkojnë për të ngrënë edhe në kontejnerë, por edhe që lahen vetëm një herë ose dy herë në muaj, në mënyrë që fatura e tyre e energjisë të mos u vije e lartë.

Por këto janë të vetmet gjëra që bëjnë ata për të kursyer. Përveç këtyre, ka të tillë që nuk përdorin letër tualeti dhe të tillë që një qese çaji e ziejnë disa herë. /Telegrafi/