Rajendra Pal nga India, i ka shpëtuar mrekullisht dy armaturave që iu ngulitën në trup, njëra prej tyre i shpoi edhe mëlçinë.
Derisa po punonte në kulmin e një ndërtese në Mumbai, 21-vjeçari rrëshqiti dhe ra në shufrat metalike, transmeton Telegrafi.
Atë e kanë dërguar me shpejtësi në spital, ku iu nënshtrua operimit prej tri orëve, për t’ia larguar shufrat e gjata rreth një metër e gjysmë.
Shufrat e gjata nga një metër e gjysmë
“Policia arriti me shpejtësi dhe prenë shufrat e kapura për strukture. Për asnjë moment nuk i humbi ndjenjat, deri në momentin që i dhanë anestezionin”, ka thënë kolegu që e shoqëronte.
Pas operimit
Raportohet se njëra shufër nuk ia ka prekur zemrën për disa milimetra, teksa tjetra i ka shkaktuar lëndime të konsiderueshme në mëlçi, por që mund të shërohen me kohë. /Telegrafi/
