Shefqet Kransniqi ka reaguar ndaj shkrimeve të mediave.
Krasniqi konsideron se këto shkrime janë “shpifje”, ndonëse në video ai vet thotë se gratë që shkojnë në deti janë “prostituta”.
Hoxhë Krasniqi thotë se këto shkrime po bëhen për të shpërqendruar vëmendjen e popullit dhe për të shpifur ndaj hoxhallarëve.
Reagimi i plotë:
Reagim
Të nderuar besimtarë na lejoni që përmes këtij reagimi nga ana jonë të sqarojmë për manipulimet(shpifjet) apo shantazhet që po bëhen nga media të caktume tash e sa vite, vetëm e vetëm për të ul autoritetin dhe kontributin tonë për këtë shoqëri.
Kosova është duke u ballafaquar me shumë probleme të cilat pothuajse çdo shqiptar i ka paraysh, si: veriu i Mitrovicës, demarkacioni, liberalizimi i vizave, kriza ekonomike, papunësia, varfëria etj.
Dikush dëshiron qe të na ‘hudh hi syve’ siç thotë populli duke shpërqëndru vëmendjën e populit kryesisht me akuza dhe shpifje ndaj hoxhallarëve tanë që kontributi i tyre daton si para lufte, në lufte e deri ditët e sotit.
Së fundmi, emri i hoxhë Dr. Shefqet Krasniqi është lakuar në disa portale urrejt-nxitëse dhe përçarëse se kinse hoxha paska thënë se femrat që shkojnë në deti janë lavire apo prostituta.
Por, të dashur besimtarë, lehtë e verifikoni vetë këtë. Shikone dhe dëgjone me vëmendje videon se çfarë thotë hoxha dhe çfar thonë titujt e këtyre portaleve.
Allahun e kemi dëshmitar për punët, fjalët, veprat dhe nijetin tonë
Allahun e kemi dëshmitar për të mirën që ia duam këtij vendi dhe shqiptarëve kudo që janë.
Krejt në fund, nuk duhet me iu ik organeve përkatëse këto shpifje dhe artikuj urrejt-nxitës dhe me i mbyll sytë.
Allahu ju dashtë dhe ju ruajtë.
Dr. Shefqet Krasniqi
