Të martën u martua me tenisten serbe Ana Ivanovic, por duket se futbollistit Bastian Schweinsteiger i pëlqeu shumë eksperienca, kështu që të mërkurën e përsëriti martesën.
Kjo ishte martesa në kishë për çiftin dhe kësaj radhe, Ana kishte zgjedhur një fustan të bardhë të mrekullueshëm, ndryshe nga ai i thjeshti i së martës.
Mësohet se Bastian dhe Ana u bashkuan me familjarët e tyre në Itali vetëm 1 ditë pas mbylljes së “Euro 2016”. Sipas asaj që publikohet në median gjermane, askush nga të ftuarit nuk e dinte se ku do të zhvillohej ceremonia e martesës dhe udhëtuan për në Itali nëpërmjet një avioni privat.
Pas dy ditësh ceremonish martesore, futbollisti gjerman dhe tenistja bukuroshe serbe do të udhëtojnë për muajin e tyre të mjaltit.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
