Jeta është shumë më e lehtë kur prindërit tuaj posedojnë milionat, por edhe më e lehtë bëhet kur përveç atyre parave dukeni edhe bukur. Këtë fat e kanë pasur fëmijët e biznesmenëve dhe manjatëve të famshëm të modës. Shumica merren me biznesin familjar, por ka të atillë që kanë filluar edhe biznesin e tyre. Njëra prej tyre është Amanda Hearst, mbesa e gjigantit medial Randolph Hearst.

Kjo 19-vjeçare është trashëgimtare e “Hearst Corporation”, shtëpi mediale e vlefshme miliarda dollarë. Asaj Zoti i ka falur edhe bukuri, por prapë shpenzon qindra mijëra dollarë në vit për t’u dukur bukur. Ivanka Trump është vajza e të famshmit Donald Trump, i cili posedon një pasuri prej 3.5 miliardë dollarësh. Ivanka është një ish-modele dhe momentalisht punon për “The Trump Organization”, posedon kompaninë e modës “Ivanka Trump Lifestyle Collection”, ndërsa është e martuar me Gerard Kushner, pronar i revistës “The New York Observer”. Për bukurinë e saj nuk ka nevojë për fjalë.

Petra dhe Tamara Ecclestone janë vajzat e pronarit të Formula 1, Bernard Ecclestone, pasuria e të cilit llogaritet në rreth 2 miliardë dollarë. Tamara vazhdimisht ka qenë në tabloide, kjo për shkak të stilit të shfrenuar të jetës. Ka qenë modele, ka koleksionin e çantave që vlen miliona dollarë dhe shoun televiziv “Billion $$$ Girl”. Edhe Petra është sprovuar në modelim dhe dizajnimin e rrobave për meshkuj.

Ato posedojnë pasuri mbi 50 milionë dollarë. Arianna Rockfeller është stërmbesa e themeluesit të kompanisë “Standard Oil”, John D. Rockfeller. Ajo ka themeluar një brend mode tejet të suksesshme, ndërsa është trashëgimtare e një pjese prej 2.8 miliardë dollarësh. Sa i përket bukurisë, ajo është në nivelin më të lartë.