Mbrëmë në pabin Queens Arms të Londrës, gjatë festimit të Ditës Ndërkombëtare të Gruas, u mblodhën 4500 euro për Klinikën Onkologjike të spitalit të Prishtinës, me qëllim që sado pak t’i lehtësohet dhimbja femrave që ballafaqohen me kimoterapi në këtë klinikë.

Kjo ishte një mbrëmje ndryshe, një ndejë ndryshe nga ndejat e tjera muzikë të gjallë, atmosferë fantastike dhe ishte një rast i mirë për të ndihmuar.

Gjatë mbrëmjes pati ankand ku u shiten donacione nga kreatore mode dhe biznese shqiptare në Britani, si përshembull syza të diellit të dizajnuara nga Laura Imami, një fustan solemn krijuar nga Afërdita Paçarada etj.