Ish-Miss Bosnja, Sllobodonka Tosiç është arrestuar, pasi akuzohet se i ka ngritur kurth një bosi të mafias ballkanike, duke e tërhequr në një pritë me qëllim ekzekutimin e tij.
29-vjeçarja është denoncuar nga Djordje Zdrale, i cili pretendon se Sllobodonka Tosiç e ka joshur dhe në bashkëpunim me mafiozin Darko Elez, kishin planifikuar vrasjen e tij.
Por plani i tyre nuk pati fundin e shpresuar, pasi Zdrale arriti të shpëtonte dhe e denoncoi bukuroshen boshnjake.
Sllobodanka Tosiç, ishte ekstraduar në Bosnjë Hercegovinë nga Kroacia në korrikun e shkuar, pasi emri i saj ishte përfshirë në pesë vrasje dhe një seri grabitjesh (për një vlerë prej 5 milionë eurosh), të gjitha në bashkëpunim me bosin Elez, i cili ishte liruar nga burgu për disa vepra penale, mes të cilave vrasje dhe vjedhje.
Tani, pas akuzave për tentativë vrasjeje të Djordje Zdrales, Sllobodanka Tosiç duhet të përballet me të gjitha akuzat e tjera.
