Ministria e Punëve të Brendshme e Kosovës dhe Programi për Zhvillim i Kombeve të Bashkuara (UNDP), në Malin Golesh të Sllatinës, kanë shkatërruar mbi 105,000 copë municioni, të konfiskuar nga Policia e Kosovës.
Dejan Jankoviq, zëvendësdrejtor i Policisë së Kosovës, i cili ka qenë i pranishëm në këtë ngjarje, ka thënë se ky asgjësim është kryer nga zyrtarët që janë të trajnuar dhe certifikuar për këto lloje të municioneve.
Ai ka thënë se asgjësimi i armëve është realizuar pas konfiskimit të tyre gjatë vitit të kaluar dhe pas përfundimit të proceseve gjyqësore të organeve kompetente.
Shkatërrimi i municionit thuhet se është zhvilluar në përputhje me Udhëzimet Ndërkombëtare Teknike për Municion të OKB-së.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
