Veprimet e fundit të opozitës në bllokimin e punës së Kuvendit të Kosovës pozita i vlerëson në dëm të vendit dhe jo si zgjidhje të gjendjes së tanishme.
Shefi i Grupit Parlamentar të PDK’së Adem Grabovci, ka kërkuar nga opozita për debat në Kuvend.
“Qëndrimet e Partisë Demokratike të Kosovës janë të qarta. Ne jemi përcaktu që t’i shqyrtojmë të gjitha mjetet demokratike e një ndër to është debati. Edhe njëherë u bëjmë thirrje opozitës që të shfrytëzojnë mundësinë që po bënë përpjekje Kryetari i Kuvendit në rastin konkret për të shpreh mendimet e tyre, për t’i ofru alternativat e tyre, idetë, faktet para deputetëve të Kuvendit të Kosovës dhe para qytetarëve të Kosovës”, tha Grabovci për RTK’në.
Seanca e radhës e Kuvendit të Kosovës ende nuk është caktuar, kurse ajo e fundit u ndërpre nga veprimet e opozitës, deputetët e së cilës hodhën vezë mbi Kryeministrin Isa Mustafa.
