Policia e qytetit të Modenës në bashkëpunim me atë të Foggia’s e Cremona’s kanë arrestu 11 persona, 9 italianë dhe 2 shqiptarët Ernold Frakulli e Armando Aliko, anëtarë të nji bande që gjatë dy vjeteve të fundit kishin grabite7 stabilimente të zonës tue vjedhe rreth 2039 copë djathë Parmiggiano Reggiano me vlerë prej 785 mijë euro, 15 tonë fruta deti të ngrime e shishe shampanje me vlerë prej 135 mijë euro.
Djathi Parmiggiano Reggiano asht nji nga prodhimet ma të mira “Made In Italy”, mjaft i shtrejtë e shpeshherë asht ne shenjester te bandave kriminale për me shite në tregun e zi.
Policia italiane ban me dije se kjo bandë zotnonte dy drona të telekomandueme me videokamera për me i identifikue rrugët e hymjes dhe te daljes nga këto stabilimentet si dhe mallin që gjendej mbrenda tyne.
Gjithashtu përdornin prostituta me origjinë nga Europa Lindore si roje gjatë operacioneve të grabitjes si dhe mjete të randa transporti, armë e aparate elektronike për caktivizimin e sistemit te alarmit.
Komandanti i Policisë së Modenas Enrico Tasi pohon për mediat italiane se anëtarët e kësaj bande ishin të lidhun më organizatat kriminale në territoret e zonës Veriore e qendrore të Italisë. Tre anëtarë të bandës gjatë natës se kalueme po hynin në aksion për tjetër grabitje në territorin e Modena’s, por u arrestuen në flangrancë.
Personat e arrestuem janë; Ernold Frakulli, Armando Aliko, Sciarappa Mario, Loberto Savino, Palamuso Stefano, Di Meo Antonio, Sciarappa Gaetano, Pasquale Rinaldi, Benito Petracca, Vincenti Antonio, Antonio Vincenti.
Shoqata e fermerëve italiane Coldireti ka falenderue forcat e policisë italiane për këtë operacion tue konfirmue se djathi Parmigiano Reggiano asht produkti ma i vjedhun në botë, në stabilimente në supermarketa. /ora/
