Njësitë Speciale të Policisë së Kosovës kanë filluar të bëhen gati për ndonjë eskalim të mundshëm të situatës, pas ftesës që Lëvizja Vetëvendosje u bëri mbështetësve të saj që të mblidhen para Kuvendit të Kosovës.
Dy furgonë të njësitëve të Policisë së Kosovës janë duke qëndruar prapa objektit të qeverisë, raporton Indeksonline.
Lëvizja Vetëvendosje më herët ftoi mbështetësit të mbildhen para Kuvendit me arsyetimin se pushteti ka ndërmend të zhvendosë me forcë deputetët e saj nga parlamenti.
Kuvendi i Kosovës ka shkuar për të dytën herë në pauzë, pas bllokimit që deputetët e opozitës po shkaktojnë në Kuvend.
