epa04038230 US General Philip Breedlove, the Supreme Allied Commander Europe (SACEUR), attends a news conference at the end of the 170th NATO Chiefs of Defence meeting at ther North Atlantic Treaty Organization’s heaquarters in Brussels, Belgium, 23 January 2014. The meeting focussed on the Euro-Atlantic Partnership Council (EAPC) on how to further develop practical cooperation. EPA/OLIVIER HOSLET
Komandanti Suprem i Forcave Aleate për Evropë Gjenerali, Philip Breedlove, tha sot se situata në Kosovë vazhdon të jetë e qetë dhe e sigurt, për çka KFOR-i ka dhënë një kontribut të madh në sigurimin e një mjedisi të qetë dhe të sigurt
Megjithatë, ai nuk dha ndonjë kohë të caktuar se kur mund të largohet KFOR-i nga Kosova, duke thënë se forcat e NATO-së do të jenë në Kosovë derisa të jetë e nevojshme.
Gjenerali amerikan, gjatë vizitës në Kosovë, tha se është kënaqësi t’i shohë pjesëtarët e KFOR-it dhe t’i falënderojë ata për punën e shkëlqyeshme që bëjnë për ta ruajtur një mjedis të qetë dhe të sigurt në Kosovë.
I pyetur për shndërrimin e Forcës së Sigurisë së Kosovës në Forca të Armatosura të Kosovës dhe kërkesës së serbëve për një batalion të serbëve brenda FAK-ut, Breedlove nuk ka dashur të flasë, duke ia lënë këtë komandantit të KFOR-it, gjeneralit Guglielmo Luigi Miglieta.
Breedlove nuk është përgjigjur as nëse KFOR-i – i cili ka qenë përgjegjës për ruajtjen e paqes dhe sigurisë në Kosovë – ka përgjegjësi edhe për vrasjet e pasluftës, të cilat do të jenë objekt hetimi edhe nga Gjykata Speciale.
Gjenerali amerikan është pyetur edhe për rrezikun e ekstremizmit, për të cilin tha se NATO do të jetë syhapur nga çfarëdo ndikimi që vjen – qoftë nga islami radikal apo jo islami – e që sjell dhunë në këto vende. /KP/
