Kreu i Lëvizjes Vetëvendsoje, Visar Ymeri, ka komentuar si gjuhë të dorëzimit, atë që kryeministri Isa Mustafa e ka thënë sot në mëngjes me një status në Facebbok.
Po përmes këtij rrejti social, Ymeri ka shkruar se “Isa Mustafa po flet me gjuhë dorëzimi”.
“Logjika e tij është ‘meqë për 16 vjet nuk e kontrolluam veriun, le ta legalizojmë këtë moskontroll’. Por ne për 16 vjet nuk e kemi ndalur dot as korrupsionin, mafinë, varfërinë, etj. Mos vallë, sipas logjikës impotente të kryeministrit duhet t’i legalizojmë edhe këto?”, ka thënë Ymeri. “Kryeministri nuk duhet të çojë shtetësinë e Kosovës në dorëheqje, por veten, meqë nuk qenka në gjendje të gjejë alternativa të tjera për Kosovën pos ‘Zajednicës’”, ka shtuar ai.
