Brenda shtatorit, tregut të kompanive që merren me shitjen e arkave fiskale pritet t’u shtohen edhe dy kompani të reja, raporton KTV.
Dy kompanitë duhet vetëm të kalojnë testin e fundit teknik në Fakultetin Teknik të UP-së, në mënyrë që të nisin shitjen e arkave fiskale.
Zyrtarë të Administratës Tatimore të Kosovës kanë deklaruar se një nga arsyet kryesore që ka ndikuar në mosmarrjen e masave ndaj atyre kompanive ka qenë mungesa e protokolleve njohëse që u kanë munguar tri kompanive që janë momentalisht në treg.
Ekrem Hysenaj ka bërë të ditur se nga momenti i certifikimit të kompanive, naftëtarët nuk do të kenë asnjë afat shtesë për t’u pajisur me arkat e reja fiskale. Në këtë agjenci ka aplikuar edhe kompania e tretë për shitjen e arkave fiskale.
Nga ana tjetër, Fadil Berjani, kryetar i Shoqatës së Naftëtarëve, ka thënë të jenë gati për t’u pajisur me arkat fiskale, pasi që presin që çmimi i tyre do të jetë më i lirë.
Kjo shoqatë dhe ajo që përfaqëson tri kompanitë e arkave fiskale ka kohë që janë në luftë në mes vete.
