Akademik Mark Krasniqi ishte përgatitur për vdekje më herët. Ai ia kishte hapur vetes varrin në Dragodan duke vendosur edhe fotografinë e tij në gurin e varrit.
Gazeta Express kishte shkruar për këtë në vitin 2013, duke bërë edhe fotografi me Mark Krasniqin pranë varrit të tij.
“Ne shqiptarët, sa jemi gjallë këqyrim sa më parë më bë një kulm mbi vete, për familje. Shtëpia është kryesore te shqiptari, madje e zbukuron atë, në qoftë se nuk mundet të bëjë asgjë, e ndërton derën e madhe që njerëzit me mendua se edhe ata që jetojnë brenda janë të mëdhenj. Mirëpo nuk interesohen me ndërtua shtëpinë ku kanë me jetua përgjithmonë. Unë e kam një mendim tjetër”, kishte deklaruar Krasniqi.
