Dhjetëra aktivistë të Lëvizjes Vetëvendosje ndërtuan një mur me hartën e Kosovës, para ndërtesës së qeverisë së vendit.
Dy burra, njëri i maskuar si kryeministri Isa Mustafa dhe tjetri si zëvendësi i tij Hashim Thaçi, qëndruan anash murit, siç e cekën aktivistët “në pajtim për atë se çfarë po i ndodhë Kosovës”.
Një burrë i tretë, i maskuar si kryeministri serb Aleksandar Vuçiq, me një top rrënimi ku shkruante “Zajednica”, rrënoi “territorin e Kosovës”.
Ky aksion vjen dy ditë pas nënshkrimit të katër marrëveshjeve mes Kosovës dhe Serbisë në Bruksel, njëra prej të cilave përmban krijimin e Asociacionit të Komunave serbe, e cila i jep më shumë autonomi minoritetit serb në Kosovë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
