6 këshilla që mund të ndjekin bizneset për të përdorur “hashtag” në mënyrë efektive

26.10.2020 12:21
Rreshtat+- AShkronjat+- Printo
6 këshilla që mund të ndjekin bizneset për të përdorur “hashtag” në mënyrë efektive

Krijimi i një kompanie biznesi është diçka që dëshiron përkushtim të pafund. Ta rrisësh një biznes është sfidë ne vete, por nuk mjafton vetëm me kaq. Sfida më e madhe është sesi pasi që ta kemi krijuar kompaninë tonë të ëndrrave, ta mbajmë atë. Zhvillimi teknologjik e me të rrjetet sociale, më shumë se kurrë kanë sjellë lehtësi, që brendi ynë të njihet jo vetëm në nivel vendi, por edhe ndërkombëtarisht. Ka me dhjetëra mundësi në këto rrjete sociale, që mund të na ndihmojnë ta bëjmë këtë, mjafton vetëm të dimë t’i njohim dhe sesi t’i përdorim ato.

Një prej mundësive që përdoret mijëra herë në ditë nga përdoruesit e rrjeteve sociale është “hashtag”.

Çfarë do të thotë “hashtag”?

Një “hashtag” është një fjalë ose frazë që paraprihet nga një thurje (#). Ai përdoret brenda një postimi në mediat sociale, për të ndihmuar ata që janë të interesuar për një temë të caktuar, që të jenë në gjendje ta gjejnë atë kur kërkojnë një fjalë kyçe ose “hashtag” të veçantë. Një “hashtag”’ ndihmon për të tërhequr vëmendjen te postimet tuaja, por gjithashtu për të inkurajuar ndërveprim.

Kur duam të përdorim “hashtag”, në rrjete sociale, fraza që do të përdoret nuk duhet të ketë hapësira në mes. Në një hashtag mund të përfshihen numëra, por jo edhe simbole. Ai mund të shkruhet në fillim, në mes apo në fund të një postimi dhe komenti, pastaj ajo fjalë apo frazë indeksohet nga rrjeti i medieve sociale. Kjo strategji lejon që disa persona edhe pse nuk ju ndjekin, të arrijnë ende të shohin përmbajtjen tuaj.

“Digital Marketing Institute” tregon disa këshilla si të përdorim #hashtag. Ato mund të na duken të thjeshta, por mbase më parë nuk i kemi ditur se çfarë ndikimi kanë.

Mos tentoni që të përdorni “hashtag” në çdo fjalë. Numri i tyre varet prej platformës që përdoret, por në shumicën e rasteve, një apo dy “hashtag”, kanë më shumë ndikim sesa një numër i madh.
Përdorni “hashtag” të shkrurtër dhe që mund të mbahen mend lehtë.
Mos tentoni që ta bëni “të mençurin” apo të bëheni i pazakonshëm. Nëse përdorni fjalë që askush nuk i kërkon, marketingu i kompanisë tuaj nuk do të përfitojë.
Përdorni hashtag që janë më specifik, sepse kjo ndihmon që të keni rezultate më të mira sesa kur përdoret ndonjë i përgjithshëm. Termat e gjerë nuk janë të pëlqyeshëm të kërkohen dhe në rast se i përdorni atëherë përmbajtja juaj do të humbet, në numrin e madh të përbmajtjeve që nuk shprehin interesim.
Mos përdorni “hashtag” në çdo postim. Më mirë do të ishte që ato të përdoreshin vetëm në rastet kur ato nxisin biseda dhe ndërveprime.
Mundësia “hashtag” nuk është atraktive vetëm për një audiencë të caktuar, por gjithashtu mund të përdoret për të hulumtuar konkurrencën e biznesit.
Përdorimi i “hashtag” në Twitter

Të përdorni “hashtag” në Twitter mund të ndihmojë në rritjen e biznesit tuaj, për sa kohë që nuk mbingarkohet. Një ose dy do të ishin të mjaftueshëm. Në postimet ku përdorni “hashtag’, mos ngurroni të kërkoni edhe nga ndjekësit që ta shpërndajnë atë, sepse do të jetë një rritje edhe më e madhe për biznesin tuaj.

Përdorimi i këtyre fjalëve apo frazave në rrjetin social Twitter do të ndihmonte që të shiheshin postimet e faqes së kompanisë tuaj, kur përdoruesit kërkojnë për një fjalë të caktuar. Kjo gjithashtu mund të ndihmojë përdoruesit, që të gjejnë biseda në të cilat mund të përfshihen.

Përdorimi i “hashtag” në Facebook

Nëse jeni duke kërkuar më shumë ekspozim për postimet e biznesit tuaj në Facebook, përdorimi i këtyre fjaleve kyçe në mënyrë të veçantë, mund t’ju ndihmojë. Në Facebook është shumë e rëndësishme të dihet që nuk duhet të përdoren një numër i madh frazash. Zakonisht janë të rekomanduar një ose dy, më shumë se kaq do të ju bënte të dukeshit shumë joprofesional dhe do të ishin të bezdishme për të lexuar postimin.

Përdorimi i “hashtag” në Instagram

Në Instagram është i preferueshëm një numër më i madh frazash. Përdorni deri në 10 apo 11 prej tyre për të arritur më shumë tek përdoruesit e këtij rrjeti social. Por gjithashtu, mund të përdorni edhe deri në 30 sosh. Ndoshta nuk do të jetë e nevojshme të përdorni kaq shumë, por nuk është diçka që nuk mund të bëhet në Instagram. Madje nëse i kushtoni vëmendje, do ta shihni nëse kjo po sjell ndryshime në postimet tuaja.

Instagrami është një rrjet social, i cili përdoret shumë edhe nga personat që kanë miliona ndjekës, do të ishte mirë të shikoni se çfarë frazash përdorin ata nëpër postimet e tyre.

Përdorimi i “hashtag” në LinkedIn

Nëse i analizojmë profilet e përdoruesve të LinkedIn, shihet që ata nuk e kanë të theksuar përdorimin e “hashtag” në postimet e tyre, por duhet të dihet që edhe këtu si në çdo platfomë funksionojnë njësoj. Në rast se postoni një përmbajtje të gjatë në LinkedIn do të ishte mirë t’i përdorni disa prej tyre përgjatë tekstit. Një deri në tri janë të preferueshme për këtë rrjet social.

Përdorimi i “Hashtag” në LinkedIn është një mënyrë e shkëlqyeshme për ta prezantuar brendin tuaj, tek ata që ende nuk ju njohin.

Përdorimi “hashtag” në Pinterest

Edhe këtu numri i preferueshëm për “hashtag” është një ose dy. Në këtë platformë termat e përgjithshëm nuk do t’i bënin ndonjë të mirë qëllimit të brendit tuaj, sepse këtu kërkohen fjalë më specifike.

Përdorimi i Hashtag në Google +

Përdorimi i “hashtag” në Google Plus është çelësi për të arritur të një numër i madh i përdoruesve. Në këtë platformë përdorimi i tyre është i rëndësishëm për SEO. Përdorni deri në tri prej tyre, sepse në rast se nuk i përdroni, Google + do t’i rekomandojë ose do t’i shtojë ato vetë./Akademi Pune

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Çmimi i katër versioneve të reja të iPhone 13

Çmimi i katër versioneve të reja të iPhone 13

Ja si duhet të aplikoni për të marrë shtesat për lehona (Video)

Ja si duhet të aplikoni për të marrë shtesat për lehona (Video)

Habit konkurrentja e ‘Për’Puthen’: Meshkujt shqiptarë nuk janë gjë në shtrat…

Habit konkurrentja e ‘Për’Puthen’: Meshkujt shqiptarë nuk janë gjë në shtrat…

Greqia në epërsi kundër Kosovës pas pjesës së parë

Greqia në epërsi kundër Kosovës pas pjesës së parë

Moderatori i njohur kosovar me postim prekës për grimeren 26-vjeçare që vdiq nga Covid-19

Moderatori i njohur kosovar me postim prekës për grimeren 26-vjeçare që vdiq nga Covid-19

Kida publikon këngën e re “Dinero”

Kida publikon këngën e re “Dinero”

Kitaristi Ledion Halitaj shkëlqen në festivalin ndërkombëtar në Rumani, zë vendin e parë në dy kategori

Kitaristi Ledion Halitaj shkëlqen në festivalin ndërkombëtar në Rumani, zë vendin e parë në dy kategori

Çmenduria e orëve të fundit, Griezmann tek Atletico, Barça merr Luuk de Jong

Çmenduria e orëve të fundit, Griezmann tek Atletico, Barça merr Luuk de Jong

Dual arsimi dhe përgatitja për tregun e punës

Dual arsimi dhe përgatitja për tregun e punës

Juve atje n’kry t’venit e që po na thoni “hajt se mirë’ osht”

Juve atje n’kry t’venit e që po na thoni “hajt se mirë’ osht”

Dua Lipa vazhdon të mahnitë me paraqitjet me stil, teksa fansat mendojnë se ajo ka humbur shumë peshë

Dua Lipa vazhdon të mahnitë me paraqitjet me stil, teksa fansat mendojnë se ajo ka humbur shumë peshë

Rita Ora e mrekullueshme në versionin akustik të këngës “You For Me”

Rita Ora e mrekullueshme në versionin akustik të këngës “You For Me”

Kida vë në pah ndërhyrjen në gjoks në paraqitjet e fundit

Kida vë në pah ndërhyrjen në gjoks në paraqitjet e fundit

KEK-u tejkalon planin për gjashtëmujorin e parë të këtij viti

KEK-u tejkalon planin për gjashtëmujorin e parë të këtij viti

Rihanna po lanson linjën e parë të parfumit nga marka e saj ‘Fenty’

Rihanna po lanson linjën e parë të parfumit nga marka e saj ‘Fenty’

Toni Kuka: Jemi të tronditur në Japoninë e largët me ngjarjen e ndodhur në Kroaci me bashkëatdhetarët tanë

Toni Kuka: Jemi të tronditur në Japoninë e largët me ngjarjen e ndodhur në Kroaci me bashkëatdhetarët tanë