Në takimin e organizuar nga presidenti francez dhe kancelarja Merkel si nikoqir, ka qenë kryeministri i Shqipërisë, Edi Rama ai që ka pasur rolin e “liderit ballkanik”, pasi që e ka udhëhequr një pjesë të takimit.
Sot në Paris ka nisur Samiti i vendeve të Ballkanit Perëndimor.
Në takimin qendror që u mbajt në Pallatin presidencial Elize, morën pjesë presidenti francez Hollande, kancelarja gjermane Merkel, kancelari austriak Kern, kryeministri italian Renzi, përfaqësuesja e lartë e BE-së për Politikë të Jashtme, Mogherini dhe kryeministrat e Kosovës, Shqipërisë, Sllovenisë, Kroacisë, Malit të Zi, Maqedonisë, Bosnje Hercegovinës dhe Serbisë.
Në takimin e organizuar nga presidenti francez dhe kancelarja Merkel si nikoqir, ka qenë kryeministri i Shqipërisë, Edi Rama ai që ka pasur rolin e “liderit ballkanik”, pasi që e ka udhëhequr një pjesë të takimit, transmeton lajmi.net.
Ai është ulur në pjesën ballore të tavolinë, derisa në anën e djathtë të tij ka qenë presidenti francez, kurse në të majtë kancelarja Merkel.
LEXO EDHE: Selimi: Vëllezër kumanovarë, rrini vetit gati
Përballë tij ka qenë kryeministrat e të gjitha shteteve të Ballkanit Perëndimor.
Rama ka qenë i privilegjuar qysh në takimin e parë të liderëve të Ballkanit që më 29 gusht të vitit 2014 ishte mbajtur në Berlin.
Atij ky privilegj i ishte dhënë nga kancelarja Merkel, që aso kohe kishte dalë edhe në konferencë të përbashkët vetëm me të, duke e cilësuar edhe si përfaqësues të Ballkanit.
Një gjest i tillë kishte bërë që mediat serbe të kalonin në sulme të ashpra si ndaj kancelares gjermane ashtu edhe në drejtim të kryeministrit Rama.
Në anën tjetër, në këtë takim kryeministri kosovar, Isa Mustafa ka listuar projektet konkrete zhvillimore për të cilat ka interes të përbashkët në rajon, shprehu përkushtimin e Kosovës për bashkëpunim me vendet e rajonit si dhe vlerësoi rezultatet që po jep procesi i nisur në Berlin. /Lajmi.net/
