Helikopteri i Vichai Srivaddhanaprabhas është rrëzuar jashtë stadiumit të Leicester Cityt, King Power, dhe menjëherë është kapluar nga flakët.
Shërbimet emergjente, përfshirë veturat e policisë, ambulancat dhe sigurimi, kanë ardhur menjëherë në vendin e incidentit.
Nuk duhet nëse Srivaddhanaprabha ishte brenda në helikopter, i cili është ngritur nga brenda stadiumit pas barazimit 1-1 kundër West Hamit.
Për t’u njohur më mirë me pronarin e Leicester Cityt më poshtë keni profilin e tij:
Si u bë i pasur Srivaddhanaprabha dhe sa është vlera e pasurisë së tij?
Srivaddhanaprabha ka lindur në Bangkok, Tajlandë në prillin e 1958.
Ai themeloi kompaninë gjigante të shitjes me pakicë ‘King Power Duty Free’ në Bangkok në vitin 1989, e cila më pas e bëri shumë të pasur.
Vichai Srivaddhanaprabha (Foto: Michael Regan/Getty Images/Guliver)
Sipas Forbes vlera e pasurisë së tij është 4.29 miliardë euro.
Srivaddhanaprabhas në vitin 2009 i është dhënë dekorata mbretërore nga mbreti i Tajlandës.
Kur e bleu klubin e Leicesterit?
Srivaddhanaprabha e bleu Leicesterin në gushtin e 2019 për 39 milionë funte (43.81 milionë euro). Ai menjëherë emëroi djalin e tij, Aiyawatt Srivaddhanaprabha, si zëvendës-kryetar të klubit.
Të arriturat e Leicesterit nën Srivaddhanaprabhan?
Leicesteri e fitoi Ligën Premier në sezonin 2015/16 duke regjistruar kështu një nga befasitë më të mëdha në futbollin anglez.
Vichai Srivaddhanaprabha dhe djali i tij, Aiyawatt Srivaddhanaprabha duke e festuar titullin e Ligës Premier (Foto: Michael Regan/Getty Images/Guliver)
Shanset e Dhelprave para fillimi të sezonit për të fituar titullin ishin 5000 me 1, por skuadra e Claudio Ranierit befasoi të gjithë.
BMW I8s (Foto: Getty Images/Guliver)
Si shpërblim për titull ai i dha çdo lojtari nga një veturë BMW i8, vlera e secilës është 112 mijë euro.
A është Srivaddhanaprabha pronar edhe i ndonjë klubi tjetër të futbollit?
Po, ai është pronar edhe i klubit belg, OH Leuven, të cilët bëjnë gara në kategorinë e dytë të futbollit belg.
Çfarë dimë deri më tani për incidentin e helikopterit?
Srivaddhanaprabha pas çdo ndeshje të Leicesterit udhëton me helikopterin e tij, i cili futet brenda stadiumit King Power për ta marrë atë. Por, këtë herë ende nuk është konfirmuar se a ishte brenda tij në momentin e incidentit.
Vlen të theksohet se helikopteri është rrezuar në parkingun e stadiumit dhe menjëherë ka marrë flakë. /Telegrafi/
