Kryetari i Grupit Parlamentar të Lëvizjes Vetëvendosje Glauk Konjufca, është takuar sot në Prishtinë me eurodeputeten dhe raportuese për liberalizimin e vizave për Kosovën në Parlamentin Evropian, Tanja Fajon.
Siç bën të ditur, Vetëvendosje ky takim është bërë me kërkesë të Fajon.
“Gjatë takimit z. Konjufca tregoi edhe njëherë qëndrimin e Lëvizjes VETËVENDOSJE! në lidhje me procesin e demarkimit të kufirit me Malin e Zi duke shprehur shqetësimin e tij në lidhje me ri-procedimin e marrëveshjes aktuale e cila është kontestuar si nga ana juridike dhe nga ajo faktike, nga profesorë dhe ekspertë të ndryshëm.”, thuhet në një njoftim.
