Tiranë: Këshilli Politik pritet të rimblidhet në fillim të javës

18.07.2020 23:37
Rreshtat+- AShkronjat+- Printo
Tiranë: Këshilli Politik pritet të rimblidhet në fillim të javës

Forcat kryesore politike pritet të takohen sërish në Këshillin Politik për reformën zgjedhore 45 ditë pasi arritën më 5 qershor një marrëveshje mbi përmirësimin e proceseve zgjedhore.

Një muaj e gjysmë pasi marrëveshja e dakordësuar me ndërmjetësimin e diplomatëve amerikanë, europianë dhe britanikë ende nuk është miratuar në parlament, nga diskutimet e të hënës mund të hapet një kapitull i ri, apo mund të rihapen debate, që të vihen në dyshim pikat e marrëveshjes së 5 qershorit.

Përfaqësuesit e institucioneve ndërkombëtare janë shprehur se marrëveshja e 5 qershorit duhet miratuar pa ndryshime, ndërsa për amendamente kushtetuese nuk ka më kohë të mjaftueshme për konsultime gjithëpërfshirëse.

Shumica ka deklaruar se është gati t’i miratojë në parlament edhe marrëveshjen e 5 qershorit me opozitën jashtëparlamentare edhe ndryshimet kushtetuese që kërkoi opozita brenda parlamentare për listat e hapura në zgjedhje.

Ishte Presidenti i Republikës Ilir Meta ai që ftoi në një takim kryetarin e Partisë Demokratike, Lulzim Basha për të diskutuar mundësinë e rimbledhjes së Këshillit Politik, ku u arrit marrëveshja e 5 qershorit, për të diskutuar tema që lidhen me zgjedhjet.

Ideja u prit me entuziazëm nga kryeministri Edi Rama, i cili deklaroi publikisht se ishte gati qysh të hënën të shkonte në Këshillin Politik për të bindur opozitën mbi dobinë që nisma kushtetuese ka për Shqipërinë dhe do të ishte akoma më mirë nëse do të vinin edhe presidenti Meta edhe kryetari i Partisë Demokratike Basha.

Por opozita e bashkuar deklaroi pas reagimit të zotit Rama se ishte e gatshme të vazhdojë diskutimin dhe punën në Këshillin Politik për çdo temë dhe çështje që lidhet me zgjedhjet, por pa penguar apo vonuar miratimin pa ndryshime, sa më parë të dakordësisë së 5 Qershorit.

“Ndryshimet kushtetuese, të hartuara në mënyrë të njëanshme nga Partia Socialiste, jashtë Këshillit Politik dhe pas Dakordësisë së 5 Qershorit, prishin marrëveshjen e arritur mes palëve” – thuhet në deklaratën e opozitës.

Sipas këtyre marrëveshjeve, thotë opozita, çështjet e dakordësuara në 5 Qershor duhet të aprovohen pa asnjë ndryshim dhe pa vonesa të mëtejshme për të mundësuar zbatimin e dispozitave të reja zgjedhore, duke përfshirë ngritjen e KQZ së re dhe fillimin nga puna për zbatimin e identifikimit biometrik të zgjedhësve.

Takimet mes drejtuesve kryesorë të dy partive më të mëdha politike janë parë shpesh me dyshim në arenën politike të Tiranës si të dëmshme për partitë më të vogla dhe për cilësinë e demokracisë shqiptare në tërësi.

Humbja e ndjeshme e kohës është një tjetër problem shqetësues për vëzhguesit vendas dhe ata ndërkombatër. Grindjet politike i shtyjnë zgjidhjet e problemeve deri në ditën e fundit, ku pastaj kërkohet mirëkuptim me nxitim nën presionin e afateve ligjore.

Partitë kryesore arritën një marrëveshje në janar se reformën zgjedhore do ta përfundonin brenda muajit mars, pastaj ranë dakord që do ta kryenin brenda muajit maj.

Dhe tani 45 ditë pasi kanë arritur marrëveshjen 5 qershorit me shtytjen e pazakontë të diplomatëve perëndimorë, mund të humbin sërish kohë duke rindezur debatet në mbledhjen e të hënës, ku përballë numrit 1 socialistëve është njoftuar se do të jetë numri 2 i demokratëve./voa/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Shumë lagje në Prishtinë do të mbesin 12 orë pa rrymë

Shumë lagje në Prishtinë do të mbesin 12 orë pa rrymë

​Kurti: Përmes marrëveshjes së Uashingtonit, Serbia dëshiron të rinegociojë statusin e Kosovës

​Kurti: Përmes marrëveshjes së Uashingtonit, Serbia dëshiron të rinegociojë statusin e Kosovës

​Haxhiu i reagon Mustafës: “Zajednica” është edhe synim edhe kërkesë e Serbisë

​Haxhiu i reagon Mustafës: “Zajednica” është edhe synim edhe kërkesë e Serbisë

​Hoti i përgjigjet PDK-së: Për 100 ditë e kthyem Kosovën aty ku e ka vendin

​Hoti i përgjigjet PDK-së: Për 100 ditë e kthyem Kosovën aty ku e ka vendin

​Mustafa u përgjigjet akuzave të VV-së për “Zajednicën”

​Mustafa u përgjigjet akuzave të VV-së për “Zajednicën”

PDK: Qeveria Hoti e futi Kosovën në listën e zezë për keqmenaxhimin e pandemisë dhe firmosi bashkëpronësinë e Ujmanit me Serbinë

PDK: Qeveria Hoti e futi Kosovën në listën e zezë për keqmenaxhimin e pandemisë dhe firmosi bashkëpronësinë e Ujmanit me Serbinë

​Selimi i përgjigjet Veselit: Duhet të jeni serioz që të thirreni në seriozitet

​Selimi i përgjigjet Veselit: Duhet të jeni serioz që të thirreni në seriozitet

3 të vdekur dhe 70 raste të reja me Covid-19 në Kosovë

3 të vdekur dhe 70 raste të reja me Covid-19 në Kosovë

Marrëveshja Kosovë-Serbisë për shkëmbimin e informacioneve, kështu e komentojnë ekspertët

Marrëveshja Kosovë-Serbisë për shkëmbimin e informacioneve, kështu e komentojnë ekspertët

Opozita akuzon Hotin për suspendim të shtetësinë dhe heqje dorë nga politika e jashtme

Opozita akuzon Hotin për suspendim të shtetësinë dhe heqje dorë nga politika e jashtme

Prokurori serb flet për bashkëpunim të shkëlqyeshëm me Specialen: I vetmi që hyra në selinë e Williamson në Bruksel

Prokurori serb flet për bashkëpunim të shkëlqyeshëm me Specialen: I vetmi që hyra në selinë e Williamson në Bruksel

Kryediplomatja Haradinaj i reagon Gjykatës së Vranjës për padinë ndaj Ragmi Mustafës

Kryediplomatja Haradinaj i reagon Gjykatës së Vranjës për padinë ndaj Ragmi Mustafës

Pas ndalimit të importit të vajit të palmës, fermerët anulojnë protestën

Pas ndalimit të importit të vajit të palmës, fermerët anulojnë protestën

Veseli thotë se nuk bëhen pjesë e qeverisë Hoti, kritikon ashpër VV-në

Veseli thotë se nuk bëhen pjesë e qeverisë Hoti, kritikon ashpër VV-në

Veseli: Delegacioni ynë dështoi në ShBA, nuk rezultoi me njohje, por u fol vetëm për resurset ekonomike

Veseli: Delegacioni ynë dështoi në ShBA, nuk rezultoi me njohje, por u fol vetëm për resurset ekonomike

​Tahiri adreson tri çështje në Bruksel

​Tahiri adreson tri çështje në Bruksel