Telekomi i Kosovës kërkon mese 22 milion euro nga qeveria i Kosovës

07.06.2019 09:19
Rreshtat+- AShkronjat+- Printo
Telekomi i Kosovës kërkon mese 22 milion euro nga qeveria i Kosovës

Telekomi i Kosovës ka kërkuar nga Qeveria që t’i ndajë një shumë prej 15 milionë eurosh dhe një garanci bankare prej 7.5 milionë eurosh, në mënyrë që të investohet në projekte kapitale, në përpjekje për të stabilizuar gjendjen financiare në këtë kompani, e cila ndodhet në prag të falimentimit.

Kryeshefi ekzekutiv i Telekomit të Kosovës, Bedri Istrefi, në një bisedë për Radion Evropa e Lirë, thotë se vlera e kërkuar prej 15 milionë eurove është dividendë që Telekomi i Kosovës e kishte ndarë për Qeverinë në vitin 2015, e cila, sipas pretendimeve të tij, i ishte dhënë Qeverisë në mënyrë joligjore.

Telekomi i Kosovës dikur ka qenë kompania më fitimprurëse në vend, por aktualisht po përballet me krizë financiare.

Për 10 vjet kjo kompani, thotë Istrefi, ka ndarë për Qeverinë e Republikës së Kosovës rreth 480 milionë euro.

​Dividenda, sipas ligjit, ndahet në rast se kompania përkatëse shënon rezultate të mira financiare.

Por,në rastin e Telekomit të Kosovës, sipas Istrefit, kur dividenta ishte ndarë më 2015, kompania ka operuar me humbje financiare.

“Në asnjë institucion publik aty ku punon një kompani me humbje, nuk është e ligjshme dhe parimore të merret dividendë në formën çfarë i është marrë kompanisë. Dhe, ne nuk jemi duke kërkuar lëmoshë nga Qeveria, por jemi duke kërkuar mjetet tona që janë marrë jashtëligjshëm dhe me ato mjete krijohet qëndrueshmëria në investimet kapitale, të cilat kanë mundësi në krijimin e stabilitetit brenda Telekomit të Kosovës”, sqaron Istrefi.

Nëse Qeveria e Kosovës nuk e kthen këtë vlerë të mjeteve, Istrefi thotë se do të ndërmarrin veprime sindikale së bashku me sindikatën e kompanisë.

Telekomi i Kosovës është kompani publike e transformuar në shoqëri aksionare, në të cilën operon telefonia fikse dhe ajo mobile Vala. Operatori Vala ka më shumë se 1.2 milion konsumatorë në nivel vendi dhe dikur njihej si një nga ndërmarrjet më fitimprurëse në vend. Kurse, aktualisht, qarkullim mujor ka deri në 6 milionë euro.

Në Ministrinë e Financave konfirmojnë kërkesat e Telekomit, por thonë se kërkesa për kthimin e dividendës duhet të kalojë në instanca më të larta gjyqësore, në mënyrë që të analizohet ligjshmëria e vendimit të vitit 2015.

Kurse, sa i përket kërkesës për garancinë bankare, Lulzim Rafuna, këshilltar i ministrit të Financave në Qeverinë e Kosovës, thotë se kërkesa është duke u shqyrtuar.

“Ne kemi formuar grupin, i cili grup do të shqyrtojë ligjshmërinë e kërkesës dhe të gjitha kushtet që i kërkon ligji të plotësohen. Ky grup do të komunikojë me zyrtarët e Telekomit, në rast se kanë nevojë për dokumente apo raporte shtesë. Më pas grupi do t’i rekomandojë ministritë për procedurat e mëtutjeshme se si do të veprojë”.

“Po e theksoj se ekziston vullneti dhe jemi për të ndihmuar Telekomin, por për ta ndihmuar konform dispozitave ligjore që janë në fuqi”, thotë Rafuna për Radion Evropa e Lirë.

Në anën tjetër, ministri i Zhvillimit Ekonomik, Valdrin Lluka, thotë për Radion Evropa e Lirë se “garancia bankare është e nevojshme për investime të domosdoshme dhe urgjente në Telekom, siç është zbatimi i Kodit telefonik +383pastaj pajisjet e përgjimit dhe kostoja e mirëmbajtjes së centraleve të Telekomit”.

Përgjendjen e krijuar në këtë kompani, është themeluar edhe Komisioni Hetimor Parlamentar, i cili tashmë ka filluar intervistimin e personave, të cilët mendohet se kanë qenë të involvuar në nënshkrimin e një kontrate ndërmjet Telekomit dhe kompanisë “Z-Mobile”. Kjo kontratë, sipas ekspertëve, e ka vënë para falimentimit këtë kompani.

Ky Komisionin të enjten ka intervistuar ekspertët e telekomunikacionit, Ismet Hamitin dhe Naim Malokun. Kurse, muajin e kaluar ishte zhvilluar një seancë e jashtëzakonshme parlamentare, ku u shqyrtua gjendja dhe zgjidhja eventuale për shpëtimin e kësaj kompanie, që ka më shumë se 2.500 punëtorë. /RadioEvropaLirë

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Përsëri kurdisje në Superligë, tifozët reagojnë pas ndeshjes Gjilani – Llapi

Përsëri kurdisje në Superligë, tifozët reagojnë pas ndeshjes Gjilani – Llapi

Super Akil Gjakova, fiton të artën në Kampionatin Evropian

Super Akil Gjakova, fiton të artën në Kampionatin Evropian

Chelsea dhe Man City luajnë për një vend në finalen e Kupës FA, formacionet zyrtare

Chelsea dhe Man City luajnë për një vend në finalen e Kupës FA, formacionet zyrtare

Morena Taraku reagon ndaj sjelljes së doktorit në Podujevë, ka një kërkesë për Albin Kurtin

Morena Taraku reagon ndaj sjelljes së doktorit në Podujevë, ka një kërkesë për Albin Kurtin

Në muajin e Ramazanit, Don Xhoni ndihmon pesë familje në nevojë

Në muajin e Ramazanit, Don Xhoni ndihmon pesë familje në nevojë

Rita Ora mahnitet me muralin e saj të bërë në ndërtesën e lartë në Ferizaj

Rita Ora mahnitet me muralin e saj të bërë në ndërtesën e lartë në Ferizaj

Rita Ora ekspozon linjat në veshje sportive

Rita Ora ekspozon linjat në veshje sportive

Kurrë nuk është vonë për të nisur kompaninë tuaj

Kurrë nuk është vonë për të nisur kompaninë tuaj

Mbappe ka ndërprerë bisedimet me PSG-në, kërkon largimin në verë

Mbappe ka ndërprerë bisedimet me PSG-në, kërkon largimin në verë

Don Xhoni publikon këngën e re “Maffia”

Don Xhoni publikon këngën e re “Maffia”

Bebe Rexha do të performojë në ngjarjen e njohur “WrestleMania” gjatë fundjavës

Bebe Rexha do të performojë në ngjarjen e njohur “WrestleMania” gjatë fundjavës

Dua Lipa duket e mrekullueshme në promovimin e koleksionit të ri të atleteve “Puma”

Dua Lipa duket e mrekullueshme në promovimin e koleksionit të ri të atleteve “Puma”

Apple përmes versionit iOS 14.5 tenton të rregullojë problemin e baterive të iPhone

Apple përmes versionit iOS 14.5 tenton të rregullojë problemin e baterive të iPhone

“Chelsea ende s’ka paraqitur ofertë për Meninon”

“Chelsea ende s’ka paraqitur ofertë për Meninon”

Rita Ora publikon fotografi të Vjosa Osmanit: Urime Presidentja e re e Kosovës

Rita Ora publikon fotografi të Vjosa Osmanit: Urime Presidentja e re e Kosovës

Jasmina dhe Andi më në fund u pajtuan me një puthje

Jasmina dhe Andi më në fund u pajtuan me një puthje