Produkte për rritjen e epsheve seksuale kanë filluar të shiten edhe në Kosovë.
Mbrëmë në rrjete sociale janë paraqitur disa produkte të cilat rrisin epshin seksual.
Këto produkte i ka paraqitur në Facebook, një person me emrin Shpat Gashi.
Tutje, ai ka treguar edhe mundësit se si mund t’ua hedhësh grave në pije disa nga pikat e produktit në mënyrë që të rritet dëshira për marrëdhënie seksuale, shkruan lajmi.net.
“Pikat Black përdorën për femrat mund t’i hidhesh në pijen e femrës në gjitha llojet nuk ka efekte anësore vetëm jep epsh dhe dëshirën për marrëdhënie të menjëhershme”, ka sqaruar personi në fjalë.
Lajmi.net ka kontaktuar sot me Policinë e Kosovës për të kuptuar nëse kanë nisur hetime rreth këtij rasti.
Të njëjtit kanë thënë se e posedojnë këtë informacion dhe e kanë proceduar për trajtim të mëtejmë.
“Policia e Kosovës e posedon këtë informacion të publikuar në rrjetet sociale dhe të njëjtin e ka proceduar tek drejtoria kompetente për trajtim dhe veprim të mëtejmë”, thuhet në përgjigjen e policisë.
Theksojmë se ende nuk dihet se si ka arritur ky produkt në tregun kosovar.