Kapiteni i Real Madridit, Sergio Ramos, është kthyer në titujt e gazetave, por jo për arsye që njihet. 

Duket se mbrojtësi i Los Blancos ka shkelur rregullat e anti-doping të UEFA-s.

Informacioni është zbuluar nga Football Leaks, nëpërmjet gazetës gjermane Der Spiegel, duke shpjeguar se ka dy raste të ndara ku ai i ka anashkaluar rregullat.

Në një laborator në Seibersdorf të Austrisë, mostra 3324822 ( Ramos ) tregon një test pozitiv për dexamethasone (deksametazonit) pas finales së Ligës së Kampioneve 2017, në të cilën Real Madridi mundi Juventusin.

Sipas mjekut të Real Madridit,  pranohet se Ramos mori dy injeksione të deksametazonit në gjunjë dhe shpatull një ditë para ndeshjes, një version që gjithashtu u pranua nga UEFA.

Por ku nuk është rasti i vetëm që Ramos  theu rregullat.

Ai duhej të bënte një test kontrolli anti-doping në prill të vitit 2018 nga agjencia spanjolle AEPSAD.

Ramos nuk e pranoi menjëherë testin duke shkuar në dushe , edhe pse ai u paralajmërua se kjo do të kishte pasoja serioze.

Sipas rregullave të agjencisë, lojtari nuk ka të drejtë të shkoj në tualet para testit të urinës, apo edhe të mos e pranojë menjëherë testimin. /Telegrafi/