Policia e Prizrenit ka bërë të ditur se sot në Sektorin e hetimeve rajonale është paraqitur Bernard Përlazaj i shoqëruar nga avokati i tij, pasi ndaj të njëjtit policia kishe lëshuar urdhër arrest nën bazë e dyshimit se i dyshuari së bashku edhe me dy persona tjerë, tanimë të njohur për policinë, me datën 23 shkurt, rreth orës 19:40 minuta i kishin zënë rrugën një qytetari që po lëvizte me veturë në afërsi të shtëpisë së tij.
Sakaq i dyshuari ishte futur në veturën e viktimës, ku në dorë mbante një kopje të letërnjoftimit të babait të viktimës me ç ’rast i thotë se babai i tij i kishte një borxh prej 70 mijë eurosh. Ndërsa, bëhet e ditur e babai i viktimës tanimë është i ndjerë.
Pas disa çastesh i dyshuari e ka sulmuar fizikisht viktimën duke i shkaktuar lëndime të lehta trupore.
Policia tutje, bënë të ditur se rajonalë kanë kryer hetime intensive në koordinim të plotë me prokurorinë e shtetit për zbardhjen e këtij rasti. Ndërsa i dyshuari pretendon se babai i viktimës i kishte marrë me fajde shumën e parave për një qytetar të cilin nuk e njeh fare.
Pas intervistës, prokurori i shtetit ka nënshkruar vendimin për ndaljen e të dyshuarit nën masën e arrestit policor për 48 orë. Vlen të theksohet se i dyshuari figuron në bazën e të dhënave policore edhe për 44 raste tjera, kryesisht për fajde, vjedhje, kanosje, mashtrim, detyrim e tjera.