Policia arreston një person të dyshuar për përfshirje në veprat penale ‘marrje ryshfeti dhe keqpërdorim i pozitës’

E publikuar: 15/11/2018 16:15
Rreshtat+- AShkronjat+- Printo

Policia arreston një person të dyshuar për përfshirje në veprat penale ‘marrje ryshfeti dhe
keqpërdorim i pozitës apo autoritetit zyrtar’

Drejtoria për Hetimin e Krimeve Ekonomike dhe Korrupsion, gjegjësisht Sektori për Hetimin e Korrupsionit, më 15.11.2018, pas ndërmarrjes se veprimeve hetimore ka bërë arrestimin personit të dyshuar:

M.A. viti i lindjes 1985, m/k/sh.

I dyshuari, me pozitë pune zyrtar në Zyrën për Lirim me Kusht në Burgun e Dubravës, dyshohet se ka marre ryshfet me qëllimin që për një person të burgosur të bëjë rekomandimin për lirim me kusht.

Pas intervistimit me aktvendim të prokurorit, të dyshuarit i caktohet masa e ndalimit prej 48 orësh./Infosot/