Përgjysmimi i dënimit për kriminelin e luftës irriton krushjanët: Të qajmë edhe për drejtësinë, jo veç për familjarët

01.12.2020 14:29
Rreshtat+- AShkronjat+- Printo
Përgjysmimi i dënimit për kriminelin e luftës irriton krushjanët: Të qajmë edhe për drejtësinë, jo veç për familjarët

Për një sërë krimesh të luftës, Darko Tasiq, do të dënohet me 11 vjet burim – përfshirë këtu edhe paraburgimin – sipas vendimit të fundit të Gjykatës së Apelit që përgjysmoi dënimin e tij nga 22 vjet sa i caktoi Gjykata Themelore në Prizren.

Sipas pikës 1 të aktakuzës, Tasiq në Krushë të Vogël mori pjesë në konfiskim të pasurisë, plaçkitje, shkatërrim të paligjshëm dhe të qëllimshëm të pasurisë (djegien e shtëpive) që nuk justifikohej me nevojat ushtarake. Ndërsa sipas pikës 2 të aktakuzës, ai akuzohej edhe me veprime të tjera si pjesëmarrje në përdhosjen e trupave të pajetë të personave të paidentifikuar, duke i djegur ato dhe duke i hedhur në lumin Drin, njofton Klan Kosova.

Edhe kur u dënua me 22 vjet, krushjanët protestuan duke thënë se ky dënim është qesharak në krahasim me mizoritë që iu kishte shkaktuar Tasiq familjarëve të tyre.

Por, tani kur dënimi u ul përgjysmë, ata ndjehen të irrituar dhe të tradhtuar nga drejtësia kosovare.

Kryetar i këshillit të fshatit Krushë e Madhe, Selami Hoti, ka thënë për klankosova.tv se gjykatat e Kosovës i bënë të pavlera dëshmitë e familjarëve të viktimave të krimit.

“Kjo është e tmerrshme. Derisa kriminelit i përgjysmohet dënimi s’mund të quhet ndryshe veçse një dështim i drejtësisë kosovare dhe vazhdim i asaj drejtësie ndërkombëtare që e bëjnë qytetarin e Kosovës të mos ndjehet komod me historinë dhe t’i bëjnë dëshmitë e qytetarëve të pavlera krahas propagandës të kujtdo qoftë”.

“Ky dënim e ngre një pikëpyetje të madhe nëse duhet ta marrim drejtësinë në duart tona. S’mund të kërkohet të bëhet pajtim me Serbinë derisa kriminelët s’dënohen ose edhe kur dënohen marrin pak dënim”.

Hoti ka thënë se dështimi i drejtësisë kosovare mund të dëmtojë edhe Kosovën në tentativën e saj që të arrijë të vendosë drejtësi për krimet e luftës.

“Një njeri që i ka bërë gjithë ato krime në dy fshatra, që ka bërë zhvendosjen e trupave, krim të organizuar, nga Krusha e Madhe në Krushë të Vogël, pra një kriminel që ka emër e mbiemër dhe të mos merr dënimin e merituar është dështim i vazhduar edhe nga drejtësia ndërkombëtare”.

Hoti, në emër të familjarëve të viktimave dhe gjithë banorëve të fshatrave Krushë e Vogël dhe Krushë e Madhe, ka bërë apel që Presidenca, Kryeministria dhe Grupet Parlamentare ta trajtojnë seriozisht këtë çështje.

“Masakra e Krushës është Auschwitz i Europës moderne dhe nëse këta kriminelë kalojnë pa u dënuar apo të marrin dënime qesharake, na bën të mendojmë se duhet ta marrim drejtësinë vetë në dorë. Familjarët tonë s’mund të gjejnë kurrë paqe derisa kriminelët serbë jo vetëm që s’e marrin dënimin, por ato zvogëlohen, edhe pse ishin qesharakë në fillim. S’mundet një kriminel që e ka mbushë kamionin viktima bashkë me aparatin shtetëror serb, të kalojë me këtë dënim kaq të lehtë”.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Përgjysmimi i dënimit për kriminelin e luftës irriton krushjanët: Të qajmë edhe për drejtësinë, jo veç për familjarët

Përgjysmimi i dënimit për kriminelin e luftës irriton krushjanët: Të qajmë edhe për drejtësinë, jo veç për familjarët

​Lutfi Haziri: Solidariteti në mbrojtjen e familjes, nënës dhe gruas, është vlerë që duhet ta rrisim

​Lutfi Haziri: Solidariteti në mbrojtjen e familjes, nënës dhe gruas, është vlerë që duhet ta rrisim

​Zemaj del nga komisioni ku ishte duke raportuar: Nuk jam këtu për “spektakle”

​Zemaj del nga komisioni ku ishte duke raportuar: Nuk jam këtu për “spektakle”

​Kontrata e Contour Global shkon në Arbitrazh

​Kontrata e Contour Global shkon në Arbitrazh

​Apeli vendos 11 vjet burgim për të akuzuarin për krime lufte në Kosovë

​Apeli vendos 11 vjet burgim për të akuzuarin për krime lufte në Kosovë

​Deputetët kërkojnë nga institucionet ta marrin seriozisht të gjeturat nga raporti i progresit

​Deputetët kërkojnë nga institucionet ta marrin seriozisht të gjeturat nga raporti i progresit

Ministrja e Punëve të Jashtme futet në vetizolim

Ministrja e Punëve të Jashtme futet në vetizolim

​Stacioni i Autobusëve shpenzon 80% të buxhetit për paga

​Stacioni i Autobusëve shpenzon 80% të buxhetit për paga

Radhë të gjata për vaksinat e gripit sezonal, qytetarët nuk respektojnë masat

Radhë të gjata për vaksinat e gripit sezonal, qytetarët nuk respektojnë masat

Reçica: Këtë javë procedohet për plotësim Projektligji i punës dhe lehonisë

Reçica: Këtë javë procedohet për plotësim Projektligji i punës dhe lehonisë

Hoti paralajmëroi konferencë, Qeveria tregon se a do të ketë shtrëngim të masave

Hoti paralajmëroi konferencë, Qeveria tregon se a do të ketë shtrëngim të masave

Shkencëtarët zhvillojnë mjetin që zbulon COVID-19 nga rrezet rëntgen me saktësi 83%

Shkencëtarët zhvillojnë mjetin që zbulon COVID-19 nga rrezet rëntgen me saktësi 83%

Limaj: Zëdhënësi i lirisë sonë në burg, zëdhënësi i Millosheviqit president

Limaj: Zëdhënësi i lirisë sonë në burg, zëdhënësi i Millosheviqit president

Limaj: Pa Thaçin, Krasniqin, Veselin, Selimin nuk do të kishte UÇK

Limaj: Pa Thaçin, Krasniqin, Veselin, Selimin nuk do të kishte UÇK

Vetëvrasje në Kremlin: Truproja i Putinit gjendet i vdekur?

Vetëvrasje në Kremlin: Truproja i Putinit gjendet i vdekur?

Abazi për LDK-në: A e kanë kuptuar këta që nuk i do populli?

Abazi për LDK-në: A e kanë kuptuar këta që nuk i do populli?