Naomi Campbell, pozon nudo për Vivien Westwood. Tashmë 49 vjeç, top modelja i bën ato më të rejat, të duken jo fort të hijshme, në fushatën e re të stilistes angleze.
Vërtetë modele si Bella dhe Gigi Hadid, Kendall Jenner etj, janë shumë të kërkuara dhe të paguara, por kur hyjnesha e zezë është në pasarelë, të gjithë ndalen ta shikojnë. Tani ajo thuajse ka prekur të pesëdhjetat, por Naomi nuk heziton të shfaqet sërish nudo, dhe të jetë e mahnitshme.
Ajo është protagoniste absolute e fushatës pranverë-verë 2020 të Vivien Westwood, në një bashkëpunim që zgjat prej thuajse 30 vitesh. Modelja ka sfiluar shumë herë për markën por asnjëherë në një reklamë, deri më tani.
Në imazhet e reja, përveç Naomi Campbell shfaqet edhe vetë stilistja Westwood por vetë Naomi, përveçse pozon me veshjet e koleksionit, shfaqet në një prej fotove nudo, vetëm me një kapelë në kokë dhe me taka shumë të larta. Dhe fiziku i saj që duket se nuk e njeh kohën, është impresionues./tch/
