Pjesëmarrja e deputetes Teuta Rugova në seancën e jashtëzakonshme të thirrur me kërkesë të Kryeministrit Ramush Haradinaj, në lidhje për ekipin dialogues qeveritar, ka ngritur shumë debate.
Përderisa Lidhja Demokratike e Kosovës kishte bojkotuar këtë seancë dhe pavarësisht vendimit të partisë, Teuta Rugova kishte shkuar në parlament.
Për këtë çështje pas mbledhjes së kryesisë, kryetari i LDK-së, ia bëri të qartë Rugovës se ajo duhet të marrë mend dhe ta përcjaktojë se me cilën parti politike është, shkruan lajmi.net
‘’Jemi ballafaqu me atë problem, Teuta ka dalë nga rendi i partisë. Teuta duhet të marrë vet mend, ta përcaktojë me kënd është. Nëse është me neve rrin me neve, dhe të mos votojë kundër partisë. Si deputete duhet ta respektojë veten dhe ta dijë se si i ka marrë votat’’, përfundon Mustafa.
