Manchester City ka fituar ndaj Chelseat me rezultat 2-0 në finalen e Superkupës së Anglisë e njohur ndryshe si FA Community Shield.
Skuadra e Pep Guardiolas i ka dhënë leksion asaj të Maurizio Sarrit në ndeshjen e parë zyrtare të sezonit, të zhvilluar në stadiumin Wembley.
Guardiola e njoftoi Sarrin me futbollin anglez (Getty Images)
Qytetarët ishin më të mirë gjatë gjithë ndeshjes dhe arritën ta fitojnë trofeun e parë këtë sezon pas një fitore të lehtë ndaj fituesve të FA Cup.
FULL TIME | 2018 COMMUNITY SHIELD CHAMPIONS! pic.twitter.com/7OfZFTvPQa
— Manchester City (@ManCity) August 5, 2018
Congratulations, @ManCity 🏆 pic.twitter.com/IMHOEtEqnq
— The Emirates FA Cup (@EmiratesFACup) August 5, 2018
Pjesa e parë e ndeshjes ishte paksa më e barabartë, por me Cityn për një nuancë më të mirë, pasi arritën ta gjejnë edhe golin.
Ishte sulmuesi argjentinas, Sergio Aguero, i cili shënoi në minutën e 13-të për 1-0 pas asistimit të Phil Foden, duke shënuar golin e tij të 200-të me fanellën e Cityt.
Festa e Agueros tek goli i parë (Getty Images)
Në pjesën e dytë, vazhdoi loja më e mirë e kampionit në fuqi të Ligës Premier, të cilët krijuan disa raste të mira për gol, por që arritën vetëm edhe një herë ta tundin atë.
Aguero shënoi edhe golin e dytë (Getty Images)
Përsëri ishte Aguero, i cili shënoi në minutën e 58-të për 2-0, pasi më parë u shërbye nga Bernardo Silva.
Ky gol i argjentinasit doli të jetë përfundimtar dhe në fund City fitoi me rezultat 2-0 finalen e Superkupës së Anglisë duke ngritur lart trofeun e parë sezonal disa ditë para fillimit të Ligës Premier. /Telegrafi/
Sergio Agüero opens the scoring for @ManCity after a great run from Phil Foden 👏 pic.twitter.com/TReEDm9IIO
— The Emirates FA Cup (@EmiratesFACup) August 5, 2018
It’s ✌️ for Aguero and @ManCity! pic.twitter.com/0jHR1wEH3T
— The Emirates FA Cup (@EmiratesFACup) August 5, 2018
