Kryeministrja britanike Theresa May po i jep fund një vizite tre-ditore në Kinë. Misioni i saj diplomatik u shoqërua me diskutime me udhëheqësit kinezë, për heqjen e barrirave tregtare.
Sot zonja May foli në një forum me biznesmenë në Shangai.
Vizita e kryeministres britanike kishte si synim ndërtimin e lidhjeve ekonomike dhe hartimin e marrëveshjeve të reja tregtare mes të dy vendeve, pas largimit të Britanisë nga Bashkimi Europian.
Të enjten zonja May u takua në Pekin me Presidentin kinez Xi Gjinping.