Ibrahim Gashi është ftuar nga Gjykata Speciale për intervistim në cilësi të dëshmitarit.
Gashi, që ka qenë rektor i Universitetit të Prishtinës, ka thënë se do t’i përgjigjet pozitivisht kësaj ftese duke qenë i bindur në luftën e drejtë dhe të pastër të UÇK-së.
Ai ka njoftuar po ashtu se intervistimi do të ndodhë këtë javë në Prishtinë, njofton Klan Kosova.
Postimi i plotë i Ibrahim Gashit:
Të nderuar miq,
Dua të ju njoftoj Ju dhe opinionin e gjerë se para një jave kam pranuar një ftesë nga Zyra e Prokurorit të Specializuar në Hagë, për tu intervistuar në cilësi të dëshmitarit.
Duke besuar në drejtësi, sikundër edhe duke qenë shumë i bindur në luftën e drejtë dhe të pastër të UÇK-së, do t’i përgjigjem pozitivisht kësaj ftese.
Intervistimi do te bëhet gjatë kësaj jave në Prishtinë.
Sinqerisht,
Ibrahim Gashi