Houston Rockets ka arritur të marrë një fitore të madhe në udhëtim te kampioni në fuqi Golden State Warriors.
Edhe pse për skuadrën nga Teksasi mungoi basketbollisti i tyre më i mirë James Harden, fitorja është arritur me gjashtë pikë epërsi 112:118.
Rockets arritën në çerekun e parë të krijojnë epërsi prej 15 pikëve 20:35 dhe deri në fund të ndeshjes me një mbrojtje të fortë e mbrojtën epërsinë e tyre.
TOUGH 😤 pic.twitter.com/HD9LlX1sZ4
— Houston Rockets (@HoustonRockets) February 24, 2019
Eric Gordon me 25 pikë ishte më efikasi në radhët e Rockets, derisa me lojë të mirë u dallua edhe Chris Paul me 23 pikë dhe Keneth Faried me 20 të tjera.
Kevin Durant me 29 pikë, Steph Curry me 25 si dhe Klay Thompson me 20 të tjera ishin basketbollistët më efikas tek vendasit, por që këto pikë nuk mjaftuan për t’i mposhtur Rockets.
🚀 @CapelaClint 🚀#Rockets 110
Warriors 102
⏰ 4:16 pic.twitter.com/jVUCrkL2qg— Houston Rockets (@HoustonRockets) February 24, 2019
Pas kësaj fitore të arritur, Rockets janë ngritur në pozitën e pestë në Konferencën e Perëndimit, ndërsa Warriors vazhdojnë të mbetën skuadra e parë në tabelë.
Humbje befasuese ka pësuar edhe Los Angeles Lakers në udhëtim te New Orleans Pelicans me 13 pikë diferencë 128:115.
Jrue Holiday ishte më meritori për këtë fitore të vendasve me 27 pikë e shtatë asistime.
Me lojë të mirë u dallua edhe ish-basketbollisti i Lakers, Julius Randle që shtoi 24 pikë, ndërsa ndeshjen me 18 pikë e përfundoi Diallo i vendasve.
Rondo for LeBron!#LakeShow (📺: @SpectrumSN) pic.twitter.com/wTPfq7ZmM8
— Los Angeles Lakers (@Lakers) February 24, 2019
Brandon Ingram me 29 pikë dhe LeBron James me 27 të tjera ishin më efikasit tek Lakers, por që nuk mjaftuan për të marrë fitore. /Telegrafi/
Atlanta Hawks – Phoenix 120:112
Charlotte Hornets – Brooklyn Nets 115:117
Cleveland Cavaliers – Memphis Grizzlies 112:107
New Orleans Pelicans – LA Lakers 128:115
Washington Wizards – Indiana Pacers 112:119
Miami Heat – Detroit Pistons 96:119
Chicago Bulls – Boston Celtics 126:116
Oklahoma City Thunder – Sacramento Kings 116:119
Golden State Warriors – Houston Rockets 112:118
Milwaukee Bucks – Minneosta Timberwolves 140:128
Utah Jazz – Dallas Mavericks 125:109
