Ish-zëvendëskryeministri nga radhët e Lëvizjes Vetëvendosje Haki Abazi është deklaruar lidhur me mos arrestimin e deputetit Etem Arifi.
Ai në një postim në Facebook ka kujtuar se Etem Arifi është në arrati që nga muaji mars dhe si i tillë po e sfidon të gjithë sistemin shtetëror.
“Etem Arifi i dënuar nga gjykata është në arrati që nga muaji mars dhe e sfidon të gjithë sistemin shtetëror, ndërsa kërkohet liberalizimi i vizave nga shtetet evropiane dhe rrihen qytetarët para fëmijëve për punën e maskave”, ka shkruar Abazi.
Ndryshe, Gjykata Themelore e Prishtinës ka lëshuar urdhër-arrest për deputetin Etem Arifi, i cili është dënuar me vendim të të formës së prerë për mashtrimin me subvencione në shumë 25 mijë euro.
Ai është dashur që më 9 mars të paraqitej në qendrën për vuajtje të dënimit, por gjendja shëndetësore e të njëjtit kishte bërë që Gjykata e Prishtinës të shtyjë dy herë me nga dy muaj ekzekutimin e dënimit.
