Mëngjesin e sotëm është gjetur pa shenja jetë një vajzë 20-vjeçare nga Gllogjani i Deçanit.
Lajmin e ka konfirmuar zëdhënësi i Policisë për rajonin e Pejës, Fadil Gashi.
Ai ka bërë të ditur se vdekjen e 20-vjeçares e ka konfirmuar mjeku kujdestar dhe se me urdhër të prokurorit trupi i pajetë është dërguar në Institutin e Mjekësisë Ligjore.
“Mëngjesin e sotëm në ora 06:10, Policia e Kosovës është informuar për një rast, kur ka mbërritur e ka gjetur një trup të pajetë. Vdekjen e ka konfirmuar kujdestari i Qendrës së Mjekësisë Familjare. Njësitet policore kompetente e kanë kryer vendshikimin, prokurori ka urdhëruar që trupi i pajetë të dërgohet në Institutin e Mjekësisë Ligjore. Viktima është rreth femër rreth 20-vjeçare. Këto janë informacionet që ne i posedojmë deri më tani”, ka treguar Gashi./FrontOnline/
