Anëtari i VV-së Mefail Bajqinovci i cili në zgjedhet e fundit ka arritur të zgjedhet deputet duke marrë 14 mijë e 453 vota ka kërkuar edhe dorëheqje të tjera pas dorëheqjes se shefit të AKI-së, Shpend Maxhuni raporton Gazeta Express.
Bajqinovci përmes Facebook-ut ka shkruar se bëjnë mirë që edhe shumë të tjerë mos ta presin fundin e vitit për të dhënë dorëheqje.
“Mirë është mos prit muajin dhjetorin kur fillon dimri edhe shumë tjerë”, ka shkruar Bajqinovci.
Drejtori shumëvjeçar i Policisë së Kosovës e tash së fundmi edhe i Agjencisë së Inteligjencës, Shpend Maxhuni, ka vendosur që të mos e presë në zyrën e tij zgjedhjen e Albin Kurtit në postin e kryeministrit.
Ai sot ka dhënë dorëheqje të befasishme nga pozita që mbante.
Dorëheqja e Maxhunit u konfirmua nga kryeministri në detyrë Haradinaj përmes një postimi në Facebook.
“Kam pranuar dorëheqjen e drejtorit të AKI-së, z. Shpend Maxhuni, nga funksioni i tij në krye të Inteligjencës kosovare”, ka shkruar Haradinaj.
