Jemi vetëm pak ditë larg nga Kongresi Mobil Botëror ku pritet të debutojnë disa prej smartfonëve më të mirë të vitit. Flagshipi i Samsung, Galaxy S10, do të debutojë pikërisht gjatë këtij aktivitetit, më 20 Shkurt.
Sot blogu 91mobiles publikoi ato që mendohet se janë fotot zyrtare të Galaxy S10 Plus. Ato i afrohet raportimeve të publikuar deri më sot.
Në foto është paraqitur modeli me ekranin më të madh i cili karakterizohet nga një kamër frontale me dy sensorë dhe kamër të pasme me tre të tillë.
Gjithashtu nga fotot e publikuara vihet re mungesa e sensorit të shenjave të gishtërinjve. Gjigandi Korean thuhet të ketë implementuar një sensor nën ekran së bashku me teknologjinë e njohjes së fytyrës.
Për rikujtesë telefoni Galaxy S10 Plus do të vijë me ekran 6.4-inç, procesor Snapdragon 855 ose Exynos 9820 dhe 6 ose 12GB RAM. /PCWorld Albanian
