Z Mobile Prishtina të mërkurën do të përballet me ekipin turk, Pinar Karsiyaka, në kuadër të Grupit I të FIBA Europe Cup.
Skuadra nga Kosova këtë ndeshje e zhvillon si mysafir, me fillim nga ora 18:30 në Izmir.
Në njoftimin e FBK-së bëhet e ditur se Z Mobile Prishtina në dy xhirot e para të këtij grupi ka realizuar një humbje dhe një fitore.
Humbjen e ka pësuar nga s.Oliver Wurzburg në Gjermani, kurse fitoren e ka shënuar në Prishtinë në ballafaqim me skuadrën hungareze Szolnoki Olaj.
Lider i Grupit I është s. Oliver Wurzburg me katër pikë nga dy fitore të regjistruara nga po aq ndeshje.
Ndërsa pozitën e dytë e ndajnë Pinar Karsiyaka dhe Z Mobile Prishtina me nga tri pikë secili dhe në vendin e fundit është Szolnoki Olaj me dy pikë.
Ndeshja tjetër e këtij grupi zhvillohet ndërmjet Wusburg dhe Szolnoki Olaj.
