Aktivistët e Qendrës së Lëvizjes Vetëvendosje në Gjilan ekspozoi sot të gjitha kërkesat e dërguara në Komunën e Gjilanit përgjatë vitit 2014 , si dhe përgjigjet e pakta që kanë marrë nga ana e ekzekutivit komunal.
Aktivisti Ilir Hoti tha se pavarësisht se me rregulloren për transparencën në këtë komunë që saktëson qartë se çdo kërkese drejtuar kryetarit, por edhe organeve tjera më të larta ekzekutive, brenda 30 ditësh duhet kthyer përgjigje, kjo nuk ka ndodhur në këtë komunë.
Ndërsa, aktivisti tjetër Yll Islami tha se shumica e atyre pak përgjigjeve që janë kthyer nga komuna , as që kanë lidhje me pyetjet që iu drejtohen.
VV ka kërkuar nga qeverisja aktuale që të punojë për të mirën e përgjithshme, e të mos vazhdojë me qeverisje të tillë që po e rrit boshllëkun pushtetarë-qytetarë.
