Kryeministri i Kosovës, Isa Mustafa gjatë përurimit të segmentit të rrugës nacionale N2 , Prishtinë- Mitrovicë, ka folur për çështjen e liberalizimit të vizave si dhe në lidhje me gjendjen aktuale politike.
Kryeministri Mustafa tha se Kosova i ka përmbushur të gjithë kriteret për liberalizimin e vizave, dhe se janë duke u takuar me të gjitha institucionet përgjegjëse për të parë edhe njëherë nëse ndonjë pjesë e rekomandimeve të BE-së ka mbet pa u përmbushur.
Ai gjithashtu tha se deklaratat e opozitës se “prej kur PDK dhe LDK kanë marrë qeverisjen e vendit është rritur krimi dhe korrupsioni, janë të pabaza”, pasi sipas kryeministrit opozita flet kështu ngase duhet edhe ata të thonë diçka. Ai tha se deri më tani nuk ka as një rast të korrupsionit në ndonjë ministri.
Ndërsa për çështjen e shumë përmendur të presidentit të ardhshëm të Kosovës. “LDK do të respektoj marrëveshjen e bërë me PDK-në dhe me këtë Hashim Thaçi do të jetë president i vendit”, ka thënë kryeministri Mustafa./kp/
