Presidenti në ardhje, Hashim Thaçi, e ka vizituar familjen Kastrati të Polluzhës me rastin e vdekjes së djalit të Shaban Polluzhës, Ramadanit.
“Sot, në familjen Kastrati të Polluzhës, shpreha ngushëllime për vdekjen e Ramadan Kastratit, djalit të heroit të Kosovës, Shaban Polluzha.
Komandanti i shquar Shaban Polluzha luftoi për çlirimin e Kosovës dhe me bashkëluftëtarët e tij organizoi kryengritjen e parë antikomuniste kundër regjimit jugosllav në përfundim të Luftës së Dytë Botërore.
Rezistenca e armatosur e komandantit Shaban Polluzha ka qenë frymëzim për të gjitha lëvizjet politike të cilat synuan dhe në fund realizuan çlirimin e Kosovës”, ka shkruar Thaçi në Facebook.
