Shqyrtimi i lëndëve kundër korrupsionit, prioritet i Gjykatës së Apelit

E publikuar: 31/12/2015 12:29
Rreshtat+- AShkronjat+- Printo

Gjykata e Apelit e Kosovës gjatë këtij viti ka pasur në punë 26 raste që kanë të bëjnë me veprat penale kundër detyrës zyrtare dhe korrupsionit zyrtar. Nga to, 3 të trashëguara nga vitet paraprake, ndërsa 23 tjera, të pranuara gjatë vitit 2015. Prej tyre janë zgjidhur 19 raste, ndërsa të pa zgjidhura kanë mbetur 7.

“Edhe gjatë vitit 2016, kjo gjykatë do të vazhdoj t’i shqyrtoj me prioritet lëndët e kësaj natyre, duke pasur parasysh rëndësinë e madhe, aktualitetin dhe kërkesat e vazhdueshme të qytetarëve të Republikës së Kosovës”, thuhet në njoftim.

Gjykata e Apelit e Kosovës vepron si gjykatë e shkallës së dytë, që do të thotë se i gjykon lëndët e pranuara pas ankesës nga ndonjëra prej shtatë gjykatave themelore.