PlayStation 4 ka qenë një sukses i madh për Sony, por duket sikur gjërat po ngadalësohen – të paktën në aspektin e shitjeve të pajisjeve. Kompania sapo ka njoftuar se ka shitur 19 milionë copë në vitin 2017 pasi ka shitur 20 milionë në vitin 2016. Parashikimi për vitin aktual që përfundon në mars 2019 është 16 milionë.

Për krahasim, Nintendo pret të shesë 20 milionë copë Switch në të njëjtën periudhë. Në total, Sony ka shitur më shumë se 76 milionë PS4, që do të thotë se duhet të arrijë suksesin e PS3 gjatë këtij viti.

Ky nuk është domosdoshmërish një lajm i keq për Sony, sepse kompania po bën më shumë para dhe pret që të vazhdojë me këtë ritëm. Biznesi i PlayStation solli 17.8 përqind më shumë të ardhura nga viti në vit, duke sjellë një fitim operativ prej 177.5 miliardë jen ($ 1.62 miliardë).

Kjo për shkak se Sony është duke shitur më shumë programe PS4 se kurrë dhe duke tërhequr më shumë abonentë PlayStation Plus. Për këtë vit, Sony parashikon një rënie të lehtë të të ardhurave për shkak të uljes së shitjeve të parashikuara të pajisjeve, por një rritje prej 7 për qind në fitim. /PCWorld Albanian