Shërbimet elektronike pak të shfrytëzuara në Maqedoni të V.  

14.05.2021 18:58
Rreshtat+- AShkronjat+- Printo
Shërbimet elektronike pak të shfrytëzuara në Maqedoni të V.  

Organizatat joqeveritare në Maqedoninë e Veriut, thonë se mosinformimi i duhur i qytetarëve, si dhe mungesa e besimit ndaj institucioneve, ka bërë që pjesa më e madhe e qytetarëve të Maqedonisë së Veriut, shumë më shumë të preferojnë që çdo shërbim ta realizojnë duke shkuar personalisht në sportelet e institucioneve, sesa të apelojnë për marrjen e shërbimeve online.

Ndërkohë që përfaqësuesit e institucioneve të pushtetit vendor dhe atij qendror, në vazhdimësi zotohen se digjitalizimi i shërbimeve mbetet në krye të listës së prioriteteve, për dy arsye: e para për të shmangur pritjet para sporteleve si masë mbrojtëse ndaj koronavirusit të ri, dhe e dyta për të ofruar shërbime më efikase dhe në kohë për qytetarët.

Në bazë të hulumtimit që ka realizuar organizata joqeveritare AGTIS, vetëm 1.5 për qind e popullsisë në Maqedoninë e Veriut, e shfrytëzojnë mundësinë për sigurimin e shërbimeve të caktuara përmes platformës elektronike uslugi.gov.mk.

Bllagica Cvetkovska nga organizata joqeveritare AGTIS, thotë për Radion Evropa e Lirë se pushteti vendor dhe ai qendror, nuk ofrojnë mjaftueshëm shërbime elektronike, me atë që qytetarët të shërbehen në kohë dhe të shmangin rradhët e gjata nëpër sportele.

“Janë të pakta shërbimet elektronike të cilat i ofron pushteti vendor. Në bazë të dhënave që i kemi marrë ne, si shërbime të plota elektronike, ofrohet vetëm pagesa e tatimit të pronës dhe të dhënat rreth parcelave katastrale. Vetëm 0.89 për qind e klikimeve që ofrojnë portalet komunale, mund të realizohen si shërbim elektronik pa pasur nevojë që qytetarët të paraqiten në sportelet e institucioneve të pushtetit vendor”, thotë Cvetkovska, duke shtuar se nga 789 shërbime të disponueshme, vetëm 151 mund të fitohen në mënyrë elektronike.

Hulumtimi që ka realizuar AGTIS, nxjerr në pah se qytarët e Maqedonisë së Veriut, nuk kanë informacione të mjaftueshme se ekziston një portal i tillë, ndërsa është e lartë edhe përqindja e qytetarëve që edhe nuk besojnë se do të mund të marrin shëbimet e duhura njësoj sikur të aplikojnë në sportelet e institucioneve.

“Kur më është dashur të nxjerr një certifikatë të lindjes, gjithçka ishte në rregull, por kur më është deshur të nxjerr një dokumet nga kadastra, sistemi ishte disa ditë i bllokuar, kështu që u detyrova që personalisht të shkoj ta marr dokumentin në sportelet e kadastrës”, thotë Dobrinka Andonovska.

Qytetarët gjithashtu ankohen se për dokumeteve të caktuara vetëm mund të aplikohet, përderisa marrja e tyre megjithatë kërkon prezencë fizike.

“Cila është poenta e shërbimeve kur për një dokument të caktuar, megjithatë unë duhet të paraqitem në sportel për ta marrë personalisht”, thotë Veko.

Përderisa nga dikasteri i shoqërisë informative, kanë ritheksuar se “platforma e ofrimit të shërbimeve elektronike”, paraqet një mundësi, përmes së cilit, institucioneve u mundësohet të zgjidhin në mënyrë elektronike procedurat administrative, njëherësh dhe qytetarëve u mundësohet të marrin shërbimet e caktuara, duke i inkurajuar që sa më shumë ta përdorin atë.

Nga ana tjetër, Sefer Selimi nga organizata joqeveritare Demokracy Lab, thotë për Radion Evropa e Lirë se duhet investuar më shumë në edukimin e qytetarëve që të shfrytëzojnë shërbimet elektronike, por edhe institucionet e pushtetit vendor të kenë kuadro profesionale, që të mund të ofrojnë shërbime cilësore.

Selimi thekson se shërbimet kanë anën pozitive dhe negative.

“Të dhënat, përkatësisht marrja e shërbimeve elektronike nga ana e qytetarëve si anë pozitive, ka efikasitetin në kohë, njëherësh me ofrimin e shërbimeve online nga ana e institucioneve zvogëlohet mundësia për korrupsion. Anët negative të shërbimeve online kanë të bëjnë me atë se një pjesë e popullatës, veçanërisht ata që nuk kanë njohuri të mjaftueshme për sa i përket përdorimit të teknologjisë digjitale, privohen nga shfrytëzimi i kësaj mundësie të marrjes së shërbimeve. Prandaj shërbimet elektronike, duhet të thjeshtësohen sa më shumë dhe gjithashtu nevojiten fushata mediale për nxitjen e shfrytëzimit të shërbimeve online”, thotë Selimi.

Ndryshe, edhe në Raportin e fundit të Progresit të Komisionit Evropian, theksohet nevoja për përpjekje më të mëdha nga ana e të gjitha institucioneve shtetërore, në favor të shfrytëzimit të tërësishëm të portalit që mundëson shfrytëzimin e shërbimeve elektronike.

Në Raportin e Progresit gjithashtu është apostrofuar se edhe kriza e shkaktuar nga pandemia ka dëshmuar se sa digjitalizimi i administratës publike, parqet një faktor shumë të rëndësishëm në funksion të sigurimit të shërbimeve online për qytetarët dhe sektorin e biznesit.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Vdes ish-drejtori i Spitalit të Gjilanit, Nysret Hajrullahu

Vdes ish-drejtori i Spitalit të Gjilanit, Nysret Hajrullahu

Gjobitet zyrtari policor që tejkaloi në vijë të plotë në magjistralen Ferizaj-Gjilan

Gjobitet zyrtari policor që tejkaloi në vijë të plotë në magjistralen Ferizaj-Gjilan

Norvegjia ia dhuron Kosovës 180 mijë doza të vaksinës AstraZeneca

Norvegjia ia dhuron Kosovës 180 mijë doza të vaksinës AstraZeneca

Cakaj thotë se nuk është dhe nuk synon të bëhet pjesë e asnjë partie politike në Kosovë

Cakaj thotë se nuk është dhe nuk synon të bëhet pjesë e asnjë partie politike në Kosovë

Valon Syla: Po kërkohet ndërrimi i shefave të RTK-së, ka nisur fushata

Valon Syla: Po kërkohet ndërrimi i shefave të RTK-së, ka nisur fushata

“Ndoshta vetë e ke gjuajtur bombën për të akuzuar VV-në” / Përplasen ashpër Shala dhe Kadaj-Bujupi

“Ndoshta vetë e ke gjuajtur bombën për të akuzuar VV-në” / Përplasen ashpër Shala dhe Kadaj-Bujupi

Gjinovci për heqjen e polisës: Qeverisë Kurti i shtohet edhe një minus, për dy vite me këso zgjidhje bëjnë minusa sa PDK’ja

Gjinovci për heqjen e polisës: Qeverisë Kurti i shtohet edhe një minus, për dy vite me këso zgjidhje bëjnë minusa sa PDK’ja

Bashkimi Evropian nuk hap negociatat e anëtarësimit me Shqipërinë dhe Maqedoninë e Veriut

Bashkimi Evropian nuk hap negociatat e anëtarësimit me Shqipërinë dhe Maqedoninë e Veriut

Sofja nuk e ndryshon qëndrimin ndaj Shkupit

Sofja nuk e ndryshon qëndrimin ndaj Shkupit

Kurti para ministrit Italian: Njohja e Kosovës nga Serbia e domosdoshme, s’do të ketë përsëritje të tragjedive

Kurti para ministrit Italian: Njohja e Kosovës nga Serbia e domosdoshme, s’do të ketë përsëritje të tragjedive

Konjufca: Kosova përherë mirënjohëse ndaj kontributit të Italisë

Konjufca: Kosova përherë mirënjohëse ndaj kontributit të Italisë

Serbia po pretendon se ofroi vaksina për krejt shqiptarët në Kosovë

Serbia po pretendon se ofroi vaksina për krejt shqiptarët në Kosovë

Japonia i dhuron Kosovës pajisje mjekësore në vlerë 810 mijë euro

Japonia i dhuron Kosovës pajisje mjekësore në vlerë 810 mijë euro

Ministri i Jashtëm i Italisë: Kosova nuk duhet të ketë frikë nga dialogu me Serbinë

Ministri i Jashtëm i Italisë: Kosova nuk duhet të ketë frikë nga dialogu me Serbinë

Deputetja e VV-së përshkruan situatën në Samitin në Turqi: Serbia pati fjalë fyese, shtetet e rajonit nuk i duartrokitën

Deputetja e VV-së përshkruan situatën në Samitin në Turqi: Serbia pati fjalë fyese, shtetet e rajonit nuk i duartrokitën

FMN: Vaksinimi dhe diaspora mund ta rrisin ekonominë 5-6 për qind në Kosovë

FMN: Vaksinimi dhe diaspora mund ta rrisin ekonominë 5-6 për qind në Kosovë