Ani pse nga të gjitha subjektet politike, në veçanti nga dy subjektet që tashmë qeverisin me Kosovën LDK dhe PDK, disa herë është premtuar se qyteti i Gjakovës do të ketë rrugë të zgjeruara në të katër hyrje – daljet e qytetit, një gjë e tillë as që po parashihet të ndodhë në një të ardhme të afërt.
Ministria e Infrastrukturës e Kosovës nuk e ka paraparë ndonjë investim të tillë në buxhetin për vitin 2015 dhe kjo i ka zhgënjyer jashtëzakonisht qytetarët e Gjakovës. Ata po ndjehen të indinjuar me këtë anashkalim nga niveli qendror, anashkalim i cili, sipas tyre, është i qëllimshëm.
