Policia Rajonale e Prizrenit ka arrestuar sot një person, pasiqë i njëjti në mbrëmjen e së martes e ka rrahur një vajzë e cila është detyruar të kërkojë ndihmë mjekësore në spitalin e këtij qytetit për shkak të lëndimeve trupore.
Sipas policisë, i dyshuari, Pal. Sh. e kishte rrahur vajzën me grushte duke i shkaktuar mavijosje te dukshme në regjionin e syve, hundës, buzëve, qafë dhe kokë.
Ngjarja ka ndodhur në afërsi të Ish “Ben-Af” dhe se motivi i këtij zemërimi thuhet të jetë refuzimi i vajzës për të krijuar lidhje dashurie me të dyshuarin. Ky i fundit kishte ikur nga vendi i ngjarjes për t`u arrestuar sot.
Pas intervistës, në konsultim me prokurorin e shtetit, të dyshuarit i është shqiptuar masa e ndalimit policor për 48 orë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
