–Anësori i majt legjendar brazilian Roberto Carlos deklaroi se Real Madrid do të luaj futboll më të mirë pas ardhjes së Zinedine Zidane,transmeton infosot.
Zidane trashëgoi Rafa Benitez në bankinën e Real Madridit dhe kjo do të jetë përvoja e parë si trajner me ndonjë ekip serioz pasi më herët udhëhoqi ekipin rezerv të Realit.
Carlos, i cili me Zidanin ka luajtur në Real Madrid, konsideron se francezi ka të gjitha cilësitë për një trajner të suksesshëm.
“Besoj se ai posedon gjithçka i nevojitet. Ka qenë shumë i suksesshëm në Real si lojtar, madje edhe gjatë krizës. I dinë të gjitha gjërat për klubin. Ka respektin e lojtarëve dhe tifozëve”, tha Carlos.
Megjithatë, në fund theksoi se Real Madrid këtë sezon shumë vështirë se mund të fitojë titullin.
“Vështirë të them, por jam i sigurtë se Reali do të ketë një sezon shumë të mirë dhe se do të luaj futboll më të mirë”, tha Carlos.
